DR.RESTART_EDU
İxtisas seçimi qaydası addım-addım
Rezidentura İxtisas Seçimi: Addım-Addım Təlimat
1. Sistemə Giriş
- DİM-in rəsmi eservices.dim.gov.az/erizerez/erize səhifəsinə daxil olun.
- Şəxsi kabinetin istifadəçi adı, şifrəsi və ekrandakı təhlükəsizlik kodunu yazaraq sistemə girin.
- Açılan pəncərədə "Rezidentura – ixtisas seçimi" xidmətinin yanındakı Daxil ol » düyməsini sıxın.
2. İxtisasların Əlavə Edilməsi
Əsas (baza ali) tibb təhsili istiqamətinizə uyğun 64-ə qədər ixtisas seçə bilərsiniz. Eyni kod yalnız bir dəfə yazılır.
- Yeni ixtisas əlavə et düyməsini basın.
- Kodu əllə daxil edin və ya ... düyməsini sıxıb siyahıdan tapın.
- Seçimi sistemə yazmaq üçün mütləq ⬇️ Yadda saxla düyməsini sıxın (hər ixtisas üçün).
3. Siyahının İdarə Edilməsi
Əlavə etdiyiniz ixtisasları idarə etmək üçün aşağıdakı alətlərdən istifadə edin:
↕️ Yerini dəyiş: Sətri tutub yuxarı/aşağı dartın
✏️ Düzəliş et: İxtisası başqası ilə əvəzləyin
✖️ Silmək: İxtisası siyahıdan çıxarın
Mühüm Qayda: Seçilmiş ixtisasların ərizədəki ardıcıllığı hüquqi əsasdır. Müsabiqə zamanı topladığınız bala uyğun olaraq siyahınızda keçdiyiniz ilk (ən yuxarıdakı) ixtisasa yerləşdiriləcəksiniz.
4. Təsdiqləmə və Çap
- Siyahı hazır olduqdan sonra ərizənin statusu bölməsinə baxın. Səhv yoxdursa, Təsdiq et düyməsini sıxın.
- Xəbərdarlıq bildirişini qəbul edərək prosesi yekunlaşdırın.
- Təsdiqlənmiş ərizəni özünüzdə saxlamaq üçün Çap düyməsini istifadə edin.
- Məlumatların təhlükəsizliyi üçün yuxarı sağ hissədəki Çıx düyməsi ilə sistemdən ayrılın.
Vacib Xəbərdarlıqlar və İstisnalar
- Müsabiqəyə YALNIZ ərizəsini təsdiq etmiş namizədlər buraxılır. Təsdiq edilməyən ərizələr etibarsızdır.
- Ərizə təsdiq edildikdən sonra HEÇ BİR dəyişiklik etmək mümkün deyil.
- Hərbi Tibb fakültəsi məzunları yalnız bu fakültənin ixtisaslarını; digər məzunlar isə Hərbi tibb ixtisaslarını SEÇƏ BİLMƏZ.
- Seçenov Universiteti (Bakı filialı) ixtisaslarını yalnız bu filialın məzunları seçə bilər.
- Tibbi Profilaktika fakültəsi məzunları yalnız "İctimai Səhiyyə" istiqaməti üzrə ixtisasları seçməlidir.